तुमच्याकडे असलेल्या जागेत दोन चार फळांच्या बीया लावल्या आणि त्याला पाणी टाकले म्हणजे फळबाग तयार झाली झाले एवढे सोपे हे नक्कीच नाही. फळबाग लागवड हे थोडी जास्त गुंतवणुकीची आणि दीर्घ मुदतीची प्रक्रिया असल्यामुळे तज्ज्ञ व अनुभवी व्यक्तींचे मार्गदर्शन गरजेचे ठरते. आम्ही तुमच्या फळबाग फुलविण्यासाठी जमिनीची निवड, मातीची तपासणी, फळपिकाची निवड, लागवडीचा आराखडा, जातिवंत कलमे, रोपांची निवड, पाण्याची उपलब्धता, बाजारपेठ या गोष्टींचा योग्य अभ्यास केलेला आहे आणि याच्या आधारेच आम्ही तुमच्या प्लॉटवर निश्चितच विविधतेने नटलेली फळबाग फुलवू.

फळांपासून तयार होणाऱ्या टिकाऊ पदार्थांची आणि ताज्या फळांची बाहेरच्या देशातून मागणी वाढत आहे आणि तसेच विविध देशांमध्ये उपलब्ध नसणारी हंगामी फळांची मागणीही वाढत आहे.
योग्य बाजारभाव मिळत असल्यामुळे आधुनिक तंत्रज्ञान वापरून नैसर्गिक शेती करण्यास लागणारे भांडवल स्वतः शेतकऱ्यांकडे उपलब्ध होत असल्याने कर्जबाजारीपणा कमी होतो.
फळबाग शेतीसाठी राबवित असलेल्या अनेक शासकीय योजनांमुळे पूर, वादळ, बेमोसमी पाऊस, धुके, गारपीट या नैसर्गिक आपत्तींमध्ये नुकसान झाल्यास भरपाईची हमी आहे.
निर्यातीच्या अनेक संधी उपलब्ध झाल्याने परकीय चलन वाढीस वाव मिळत असून ह्याचा एकूणच परिणाम शेतीशी नियंत्रित अर्थव्यवस्थेवर होत आहे.
फळझाडांची लागवड केल्याने जमिनीची धूप होत नाही तसेच यामुळे आजूबाजूचा परिसर हिरवागार व प्रदूषण विरहित राखण्यात मोलाची मदत होते.
फळझाडे जिथे असतात तिथे विविध पक्षी आपली घरटी उभारतात व त्यांचीही संख्या वाढते आणि यामुळे निसर्गसंवर्धनाचा समतोलही राखला जातो.
फळझाडांच्या वाढीचा परिणाम हा पर्जन्यमानावर ही होतो कारण यामुळे पावसाचे प्रमाण वाढते.